ДАЯН ДЭЛХИЙД ТАРХАН СУУГАА НИЙТ МОНГОЛЧУУДДАА ТҮГЭЭХ УРИАЛГА

Гадаадад суугаа Монголчуудын төрийн эрхийг барилцах боломж,  сонгуульд саналаа өгөх эрхийн төлөө Цахим Өртөө Холбоо болон гадаад дахь бусад Монголчуудын холбоод, олон төрийн бус байгууллагууд, хувь хүмүүс  10 гаруй жил зүтгэж, хамтран ажилласны үр дүнд өнгөрсөн УИХ-ын сонгуульд гадаадад суугаа Монголчууд түүхэнд АНХ удаа саналаа өгсөн билээ.

Энэхүү эрхээ дахин баталгаажуулж, 6 сарын 26-д болох Монгол Улсын  Ерөнхийлөгчийн сонгуульд оролцох цаг хаяанд ирлээ. Алсад суугаа хэдий ч  эх нутгаа гэх сэтгэл, зориг дүүрэн байдаг Монгол Улсын иргэн Таны гарт  эх орны тань хувь заяа байна.

Иймээс, дэлхийн өнцөг булан бүрт суугаа Монгол Улсын иргэд та  бүхнийг 5 сарын 29-ныг дуустал явагдах сонгуулийн бүртгэлийн ажиллагаанд иргэний үүргээ ухамсарлан, идэвхитэйгээр бүртгүүлж, сонгуульд оролцохыг уриалж байна.

Монгол хүн таны гарт Монгол Улсынхаа ирээдүйг тодорхойлох эрх тань  байдаг. Эрхээ алдалгүй эдэлж, сонгуульдаа идэвхтэй оролцоцгооё!

Мөн энэхүү уриалгад нэгдэн орж, дэлхий даяар түгээхийг орон бүрийн  Монголчуудын холбоо, нийгэмлэг, Монголын бүх веб сүлжээ, мэдээллийн  сувгууд, эх орноо гэсэн бүх иргэддээ уриалж байна!

МОНГОЛ ТУУРГАТНЫ ЦАХИМ ӨРТӨӨ СҮЛЖЭЭ
ЦАХИМ ӨРТӨӨ ХОЛБОО

www.tsahimurtuu.mn

Нэмэлт мэдээллийг эндээс үзнэ үү:
БИД СОНГОХ ЭРХТЭЙ КЛУБ
https://www.facebook.com/electionMN

Advertisements

Брисбэйний наадмын зар

Posted in News. 3 Comments »

2012 оны УИХ сонгуулийн мэдээ

УИХ-ын 2012 оны сонгуулийн санал хураах үйл ажиллагаа Улаанбаатарын цагаар 05.00 цагт  Австрали улсаас эхэллээ.

Улаанбаатарт 11.00 цагийн байдлаар Австрали Улсын Канберра, Япон Улсын Токио, Осака, ОХУ-ын Эрхүү, Улаан-Үд, Тува Улсын Кызыл, БНХАУ-ын Бээжин, Хөх-хот, Эрээн Хонгконг, БНСУ-ын Сөүл, БНАСАУ-н Пхеньян, Сингапур Улс, Казакстан Улсын Астана, Тайландын Вант Улсын Бангкок, Лаос Улсын Вьентьан, БНАВАУ-ын Ханой хотуудад сонгуулийн ажиллагаа эхэлж, 410  иргэн саналаа өгөөд байгааг Гадаад харилцааны яамны дэргэдэх Төв комиссоос мэдээллээ.